Shumica e njerëzve mund të kenë përjetuar dridhje të syrit. Kjo çështje e zakonshme shëndetësore është njohur ndryshe me termin tiku i qepallës ose spazma e syrit.

Këto spazma zakonisht ndikojnë në kapakun e poshtëm të syrit ose në qepallën e sipërme dhe shkaktojnë dridhje të pavullnetshme të syrit.

Ekzistojnë një sërë faktorësh që ndikojnë në tikun e syrit, ja faktorët më të rëndësishëm:

tik syri

• Konsumi i tepërt i kafeinës
• Konsumi i alkoolit
• Lodhja
• Stresi
• Acarimi i sipërfaqes së syrit ose i qepallave të brendshme
• Pirja e duhanit
• Era e fortë etj

Kur tiku i syrit ju ndodh vetëm në raste të rralla, ato nuk janë problematike. Këto tike nuk janë as të
dhimbshme as të dëmshme, por kur janë shumë të forta mund të shkaktojnë irritim.

Nga ana tjetër, tiku i syrit mund të tregojë probleme serioze për shëndetin. Në disa njerëz, këto tike
vazhdojnë për disa ditë apo javë dhe në këto raste ato nuk janë aspak normale. Tiku i syrit në disa raste
mund të jetë shenjë e çrregullimeve të trurit, por kjo ndodh shumë rrallë. Në raste të tilla, kur dridhjet e
syrit tregojnë për probleme serioze, ato bëhen shumë të forta dhe shoqërohen me simptoma të tjera si:
Paralizë të fytyrës, ose rënie të njërës pjesë të fytyrës.

Distonia, kusht i cili shkakton spazmë të muskujve në mënyrë të pavullnetshme dhe çojnë deri në
shtrembërim të pjesëve të caktuara të fytyrës ose trupit.

Sklerozë të shumfishtë, një sëmundje e sistemit nervor qëndror që ndikojnë në lëvizje dhe çon
mosnjohjen e aktiviteteve të caktuara të trupit.

Sëmudja e Parkinsonit, mund të jetë një shkak i tikut të syrit sepse kjo sëmundje shkakton dridhje te
gjymtyrëve, ngurtësi të muskusve, disbalancë etj.

Në përgjithësi, tiku i syrit mund të jetë një shkak i rrallë që kërkon kujdes mjekësor. Por rastet kud duhet
të konsultoheni me mjekun janë kur:

• Syri skuqet dhe fryhet
• Qepalla e sipërme venitet, qëndron më e mbyllur se zakonisht
• Qepalla ju dridhet shpesh gjatë ditës
• Spazmat vazhdojnë për disa ditë/javë
• Spazmat fillojnë të ndikojnë edhe në pjesë të tjera të fytyrës etj.