7 këshilla për të qenë sa më energjik dhe të motivuar në punë
Kur arrini në punë një ditë të hëne me
shi, vini re se ekipi juaj i punës është i mërzitur dhe i pamotivuar. Ju
‘vishni buzëqeshjen’ tuaj më diellore dhe i ftoni që të diskutojnë për javën e
kaluar, për projektet që mbyllët dhe ato që nuk arritët, por në fund të
mbledhjes, punonjësit tuaj vazhdojnë të jenë po në të njejtën gjendje. Ju
shkoni në zyrën tuaj, mbyllni derën dhe lini gjithçka pas. Ju duket e njohur si
situatë?
Skenarë të tillë ndodhin shpesh sidomos
nëse ju jeni në rolin e menaxherit. Si drejtues skuadre ju takon juve për ta
mbajtur skuadrën sa më energjike dhe të motivuar, pavarësisht sa rutinë mund të
jetë puna, apo sa të pasigurta mund të jenë projektet tuaja të ardhshme.
Ajo çka do të lexoni më poshtë janë 7
këshilla për të qenë sa më energjikë dhe të motivuar:
1.Mos vini maskë.
Që të motivoni të tjerët ju duhet të
ndiheni vetë fillimisht të motivuar. Mundohuni që të jeni gjithmonë vetvetja.
2.Planifikoni.
Në artikullin e saj të publikuar në
revistën Forbes “Si të jemi të motivuar dhe të përfundojmë çdo gjë në kohën e
saj,” Suzanne Gerber shprehet se ajo çka ju duhet të bëni është të planifikoni
çdo gjë paraprakisht. Ajo thekson faktin se planifikimi ju ndihmon për të ditur
ekzaktësisht se cilat hapa duhet të ndiqni.
3.Të kërkoni ndihmë.
Edhe menaxherët më të zotë kanë nevojë
për këshilla dhe nuk ka asgjë që nuk shkon me këtë fakt, sepse ju gjithmonë
mund të mësoni nga të tjerët.
4.Ta doni punën tuaj.
Personat të cilët e duan punën e tyre e
kanë më të lehtë për të qenë të motivuar. Një ide e mirë është edhe reklamimi i
fushatave tuaja më të suksesshme, për shembull nëse ju punoni në një agjenci
marketingu mund të printoni dhe të vendosni në mur imazhe të fushatave tuaja më
të suksesshme.
5.Shpërbelni veten për arritjet tuaja.
Një element i mirë për të qenë të
motivuar është ta shpërbleni veten për arritjet tuaja. Një udhëtim jashtë
shtetit, një darkë mes miqsh, një libër i ri apo një ditë e tërë kushtuar
blerjeve, mund të ishin disa ide shumë të mira.
6.Shpërbleni skuadrën tuaj.
Për të pasur një ekip pune gjithmonë të
motivuar, një ide mjaft e mirë në këtë drejtim do të ishin edhe shpërblimet për
ta. Një gjë e tillë do t’i bënte punonjësit që të ndiheshin më të motivuar dhe
njëkohësisht më të vlerësuar.
7.Bëni sa më shumë ushtrime gjatë ditës.
Qëndrimi ulur përpara tavolinës së punës
për 8 orë me radhë është shumë i dëmshëm për shëndetin tuaj. Shkëputini çdo 20
minuta nga kompjuteri dhe bëni ecje nëpër zyrë, ngjisni shkallët disa herë në
ditë dhe gjatë pushimit të drekës mos shkoni të uleni sërish në kafe por në
vend të saj bëni një shëtitje. Ushtrimet fizike do t’ju ndihmojnë që të jeni sa
më energjikë dhe respektivisht do të ndiheni më mirë.