Xhezmije Lulo është pedagoge në Kolegjin Universitar “Logos”, Fakultetin e Shkencave të Aplikuara, Departamenti i Informatikës së Zbatuar dhe Statistikës që prej vitit 2014. Aktualisht është gjithashtu e angazhuar edhe si pedagoge e jashtme në Universitetin Bujqësor të Tiranës, Fakulteti i Ekonomisë dhe Agrobiznesit, Departamenti i Matematikë-Informatikë.

Gjatë periudhës tetor 2014 – qershor 2016 është angazhuar si pedagoge e jashtme në Universitetin e Tiranës, Fakulteti i Shkencave të Natyrës, Departamenti Informatikë.

Xhezmije Lulo ka përfunduar studimet Master Shkencor në Informatikë, në Fakultetin e Shkencave të Natyrës, Tiranë, në vitin 2013. Gjatë përiudhës së studimeve ka kryer detyrën e Specialistes së Informatikës dhe gjithashtu ka punuar si Web Developer.
Ajo ka marrë pjesë në disa Konferenca Kombëtare dhe Ndërkombëtare dhe ka botuar artikuj në revista të ndryshme kombëtare dhe ndërkombëtare. Është gjithashtu autore e librit “Informatika Plus” botuar në vitin 2016 nga SHB “Erik Botime”.

Interesat e saj lidhen gjerësisht me programimin dhe gjithashtu me sistemet e analizimit të të dhënave. Aktualisht është zhvilluese e disa website-ve dhe merret me mirëmbajtjen dhe menaxhimin e tyre.

Gradat dhe titujt akademikë

Bachelor në Informatikë, Fakulteti i Shkencave të Natyrës, Universiteti i Tiranës (2011)

Master i Shkencave në Informatikë, Fakulteti i Shkencave të Natyrës, Universiteti i Tiranës (2013)